السلام عليكم
تتكونعائلة جزائرية من الأم والأب و الأبناء (محمد..سمير ..فؤاد..و فاروق)
سمير قرر يسافر للخارج بسبب عمله ...فودع العائلة و سافر....مر شهر كامل و سمير مازال لم ينه عمله ....في أحد الأيام رن هاتف سمير ..
سمير: ألو وي شكون ؟؟؟
محمد:أنا خوك محمد واش ما عرفتنيش ؟؟
سمير : أه أهلا خير ما خلاك تعيطلي
محمد:اسمع لازم ترجع للجزائر لازم ليوم ولا غدوا
سمير:أواه ما نقدرش راني خدام
محمد:بابا راه يقولك لازم تجي لازم
سمير:علاش غي الخير
محمد :راني قلتلك لازم أيا سلام
سمير :ألو ألو !!!؟؟
سمير تقلق قال أكيد كاين حاجا
راح عند مدير العمل نتاعو قالو عندي ظرف لازم نرجع للجزائر
المدير ما قبلش املا سمير تفاتن معاه ودار الحرب و النتيجة طردوه من العمل
راح للمطار لقى الأماكن للجزائر كلها محجوزة
المهم تمرمد باش ولا
و أخيرا راه في الجزائر
جا يجري للدار
سمير :واش يما وش بيه بابا
دخل للكولوار لثقى خوه محمد وحالتو حالة شعرو طويل حتى ما عرفوش
واش بيك محمد واش كاين
قالو فوت la chambre
دخل سمير لقى فؤاد و فاروق متساميين يحسبهم ارهاااب
اللحية و الشعر طويل و رافدينلو مطرق
قالولو فوت عند بابا
سمير انخلع
مات من الخلعة
دخل عند باباه لقاه الكارثة الكبرى
باباه شعرو طويل و باللحية ثاني
دخل سمير يجري بابا وش بيك وش بيك
الاب : جيت؟؟؟
يا وليدي راك تشوف في حالتي
أه؟؟
الله يعطيك مصيبة يا وحد الشر
كيفاش رحت وخليتني بلا الموس تع الحفافة
لا تنسوا الردود